Шагаа бүдүүзүнде, февральдың 20-де, Тываның гуманитарлыг болгаш тускай социал-экономиктиг шинчилелдер институдунуң социология болгаш политология бөлүү Кызыл хоорайның 9 дугаар школазының башкылары, өөреникчилери-биле ужуражылганы эрттирген.
Институттуң директорунуң оралакчызы Сайдаш Сайын-оолович Сади башкыларга база өөреникчилерге Шагаа-биле байыр чедиргеш, институттуң мурнундан белектерни сунган.
Тыва өгге башкылар болгаш аныяк эртем ажылдакчылары школачылар-биле Шагаа дугайында чугаалажып, өөреникчилер аразынга тыва оюннар мөөрейин эрттиргеннер. Уруглар оюннарга идекпейлиг киришкеннер.
Тыва Республиканың Улустун башкызы Валентина Одурековна Домур-оол школада улусчу ужурлар өрээлин удуртуп, үре-түңнелдиг ажылдап турар. Башкылар институтка четтиргенин илередип, моон-даа сонгаар кады ажылдаар күзели-биле үлешкен.
Социология болгаш политология бөлүү
