Аас чогаалын база дыл эртемин шинчилээр бөлүктерниң эртем ажылдакчылары Хомушку А.В. биле Монгуш Н.М. Кызылдың А.А. Алдын-оол аттыг № 2 школазының 2 «д» клазының өөреникчилери-биле ужуражылганы кылган. Хомушку А.В. Шагаа үезинде уругларның ойнап болур тыва оюннарын, оларны үдээн чугааларны болгаш тывызыктажырының чурумун уругларның боттарының киржилгези-биле көргүзүп тайылбырлап берген. Оон аңгыда дүрген чугаа болгаш узун тыныштың чижектерин катаптаткан. Монгуш Н.М. Төрээн дыл хүнүнүң дугайында болгаш институттуң дугайында кыска медээни өөреникчилерниң хар-назынынга дүүштүр тайылбырлап берген. Мындыг хевирлиг уругларга ажык-дузалыг ужуражылгаларны моон-даа соңгаар эрттирери көрдүнген.
