80 харлаан, Тываның гуманитарлыг болгаш социал-экономиктиг тускай шинчилелдер инстидудунуң политология бөлүүнүң башкарыкчы эртем ажылдакчызы, философия эртемнериниң кандидады, Кызыл хоорайның хүндүлүг хамаатызы, Тыва Республиканың алдарлыг ажылдакчызы Байыр-оол Монгуш Сендажыевичиге байыр чедириишкини
Алаңгы эдээн алгаш силгий тударга, ажы-төлү эжен-эңмежок,
Соңгу эдээн долгай тударга, бижип-чиндээн ном-дептери түң чок,
Аяңгаты-Барлыктарның чүс кижиниң дүрзүзүн баскан оглу,
Алдарлыг Тыва чуртунуң муң кижиниң угаанын солаан оглу.
Ээгизиниң тоону чок, ооргазының чүзү чок,
Чаактыгга чаргызын алыспас, чарынныг-төштүгнүң алдынга дүшпес,
Эрниң эрези, өгбениң дүрлүү, орден-медальдыг, аажок мөзүлүг,
Чай-кыс чок ажылда, дилээшкинде улуг эртемден, философ.
Улус-чонуңнуң маадырларын, улуг эртемге, уран-чогаалга,
Улуг өгбелерниң хонаш чуртун алгап, уруг-дарыгга билиндирген,
Долу, чаагай арнында сыгыг чок, дашка дег ала караанда сезиг чок,
Доруун Монгуш, Байыр аттыг, Хемчик оглу узун назын назылазын!
Эртем архивиниң кол специализи Дугаржап Арина Тулушевна
тоол аяны-биле сеткилимден байыр чедирдим.
18. 10. 2019 чыл.